Heemkunde voor de basisscholen in Oost- en Weststellingwerf

Categorie: Nieuws (Pagina 2 van 2)

Netuur in et Stellingwarfs op schoeleTV – Ruurd Jelle van der Leij

Voegelkenner en fotograaf Ruurd Jelle van der Leij was te zien in et pergramme Tsjek van de Friese schoeletillevisie.
De vroegere inwoner van Hooltpae en fotograaf van Et Stellingwarver voegelboek verzorgde drie keer et netuuronderdiel ‘Netuurlik’ van dat pergramme veur de basisschoelen.
Van der Leij prissenteert zien onderwarpen in et Stellingwarfs.
De onderwarpen die an bod kommen bin de iesvoegel, de wolf en de adder.
An dat dadde onderdiel warkt ok de Stellingwarver netuurkenner Andries van der Veen uut Wolvege mit.
De opnaemen bin o.e. maekt in et Drents-Friese woold bi’j Appelsche.

Et eerste pergramme ku’j hier bekieken: http://www.omropfryslan.nl/utstjoering/tsjek-fan-29-april-2015-1030

Piepmoes en zien kammeraoden

Piepmoes en zien kammeraoden Lianne Jacobs en Sietske Bloemhoff kommen graeg mit et mooie verhaele- en daansprojekt Piepmoes (op ‘maot’ schreven veur ok jim dörp) naor jim schoele! Jim kun daorveur bellen mit de Stellingwarver Schrieversronte: 0516-451108, mailen kan ok: [email protected].

Kinderboekenweek: gedichten schrijven met Matty de Vries.

Tijdens de jaarlijkse kinderboekenweek zorgt de literaire werkgroep ’Alles rondom taal’ van Stichting Kunstwerf voor een bijzondere workshop voor leerlingen van het basisonderwijs.
Het doel van de workshop is dat de leerlingen bezig gaan met het schrijven van gedichten in de taal van hun leefomgeving.
Als thema heeft de workshop ‘Gruwelijk Eng’, dat is het thema van de kinderboekenweek dit jaar.
De workshop wordt gegeven door kunstenaar/dichter Matty de Vries uit Ezinge.
‘Bij het schrijven van gedichten blijf je dicht bij jezelf,’ zo geeft de Vries aan. ‘En daarvoor leent de taal die je in je thuissituatie gebruikt zich het beste.
In je eigen taal kun je je nu eenmaal het beste uiten.’ Eerder gaf de Vries deze workshop aan een aantal Stellingwerver scholen t.b.v. het 2018-project ‘Vier je vrije taal’.

Twaelf leerlingen van et Comperio College slaegen veur kursus Stellingwarfs.

Berkoop. Tegere mit heur juffer Ageeth Bos kwammen vri’jdagmorgen 7 april 2017 twaelf leerlingen van et Comperio College uut Wolvege naor et gebouw van de Stellingwarver Schrieversronte in Berkoop. Naodat ze et oflopen seizoen lessen Stellingwarfs volgd hadden, kwammen ze daor examen doen. De leerlingen wodden tiedens et examen toetst op et mondelinge en et schriftelike gebruuk van de et Stellingwarfs. Veur et mondelinge pat mossen ze heurzels veurstellen in et Stellingwarfs en daornaost vertellen over een verhael dat ze tiedens de kursus schreven hadden. Et schriftelike pat beston uut een diktee en et schrieven van een verhael n.a.v. een twintigtal woordkaorties.

An et aende van de examenmorgen bleek dat alle leerlingen et examen ommeraek goed daon hadden. Ze kregen daoromme allemaole een diplome uutrikt deur veurzitter Jan Baas van de Schrieversronte. De twaelf verhaelties de veurofgaonde an et examen schreven binnen zullen nog bundeld wodden, mar wo’n ok publiceerd in et Stellingwarfs tiedschrift De Ovend.

De kursus en et examen wodde ontwikkeld en veurbereided deur Ageeth Bos, die daorbi’j de hulpe kreeg van Sietske Bloemhoff en van Henk Bloemhoff. Et doel is dat ok in et volgende schoelejaor de leerlingen van groep achte van et Comperio College opni’j Stellingwarver les kriegen zullen.

Et Comperio College is een akkedemisch leerpunt veur hoogbegaofde leerlingen van et basisonderwies in Oost- en West-Stellingwarf. (Foto: Lenus v.d. Broek)

Nieuwere berichten »

© 2024 Stellingwerf Heemkunde

Thema gemaakt door Anders NorenBoven ↑